Mala-Masusing Banghay Aralin — Kindergarten

I. Layunin

Pagtapos ng pagtatalakay ng aralin, ang magaaral ay nararapat na:

• Nalalaman ang mga pangunahing emosyon at naipapahayag sa iba’t ibang paraan at sitwasyon

• Naiintindihan at naipapakita kung kalian masaya, malungkot, nagagalit at natatakot

II. Paksang Aralin — Socio-Emosyunal

Paksa — Ako ay may Emosyon

Sanggunian

Kindergarten Module 4 DepEd Makati

https://samutsamot.com/wp-content/uploads/2018/06/mga-damdamin-2018-with-labels-secured-1.pdf

https://samutsamot.com/2016/08/31/mga-damdamin-at-pakiramdam-worksheets/

Materyales — Papel o kwaderno, worksheet, krayola, lapis, laptop, tv o projector, speaker

III. Pamamaraan

Paghahandang Gawain

• Panalangin

• Pag-awit ng “Lupang Hinirang”

• Pag-kanta ng “Pito-pito”

• Attendance

• Pagbabalik aral

Pagganyak

Awitin at gawin!

Kung ikaw ay masaya, tumawa ka

Kung ikaw ay masaya, tumawa ka

Kung ikaw ay masaya, ipahayag ang nadarama

Kung ikaw ay masaya, tumawa ka

Kung ikaw ay malungkot, umiyak ka

Kung ikaw ay nagagalit, pumadyak ka

Kung ikaw ay natatakot, magtago ka

Paglalahad

Ang ating pagaaralan sa araw na ito, ay ang mga pangunahing emosyon.

Pagtatalakay

Alam niyo ba na bilang bata, kayo may iba’t ibang pakiramdam?

Maaari kayong maging masaya, malungkot, galit o takot.

Ikaw ay masaya kapag araw ng iyong kaarawan, kapag kumakain ng iyong paboritong pagkain, kapag nasa pasyalan o kaya naman ay kapag naglalaro ng iyong mga laruan.

Ikaw naman ay nalulungkot sa tuwing nasasaktan, napapagalitan ng iyong magulang o kapag nasira ang iyong laruan.

Nararamdaman mo naman ang galit kapag ikaw ay naiinis o kaya naman kapag ikaw ay inaaway.

At nakakaramdam ka ng takot sa tuwing iinjeksyunan ng doctor, kapag hinahabol ng aso, kapag madilim ang paligid o kaya naman ay kung sakaling ikaw ay mawala.

Maraming paraan kung papaano natin maillabas ang ating emosyon. Pwede tayong makipagusap sa ating ate at kuya, nanay o tatay, pwede natin iguhit o ipinta ang ating nararamdaman, o kaya naman ay sumayaw o kumanta.

Paglalahat

Ang mga pangunahing emosyon bilang bata ay masaya, malungkot, galit at takot. Sa bawat sitwasyon ay maaari tayong makaramdam ng iba’t ibang damdamin at maari din natin mailabas ang ating damdamin sa iba’t ibang paraan.

Paglalapat

Bilugan ang salita na naglalarawan sa nararamdaman ng bata.

IV. Pagtataya

Piliin ang nararapat na emosyon na mararamdaman sa pinapakitang sitwasyon ng larawan. Bilugan mo ang iyong sagot.

V. Takdang Aralin