Mala-Masusing Banghay Aralin — Kindergarten

I. Layunin

Sa pagtatapos ng aralin na ito, ang magaaral ay nararapat na:

• Nauunawaan ang gamit ng mata at tainga

• Natutukoy at nakakaguhit ng mga bagay ng nakikita at may tunog na naririnig

II. Paksang Aralin — Kalusugang Pisikal

Paksa — Ako ay may Paningin at Pandinig

Sanggunian

Kindergarten Module 6 DepEd Makati

https://www.youtube.com/watch?v=JOML3SBjTxo

Materyales — papel o kwaderno, worksheet, lapis, krayola, tv o projector, laptop

III. Pamamaraan

Paghahandang Gawain

• Panalangin

• Pag-awit ng “Lupang Hinirang”

• Pag-kanta ng “Pito-pito”

• Attendance

• Pagbabalik aral

Pagganyak

Basahin ang tula sa mga bata

Pag gising sa umaga, ating mga mata ay iminumulat

Ikinukurap at idinidilat

At makikita ang paligid na nakakaakit.

Lalo pang madarama ang ligaya sa buhay

Kapag naririnig na ang mga tunog at ingay

Dagdagan pa nang mga awit at tawanan

O talagang kay saying tunay!

Paglalahad

Sa araw na ito ay ating pagaaralan ang tungkol sa paningin at pandinig na dalawa sa limang uri ng pandama.

Pagtatalakay

Ang iyong dalawang mata ay ginagamit upang ikaw ay makakita.

Nakikita ang iba’t ibang mga kulay at mga hugis gamit ang mga mata.

Nakakakita tayo ng iba’t ibang bagay sa ating paligid.

Ginagamit din ang ating mga mata para makita natin ang ating binabasa, sinusulat at ginuguhit.

Ang iyong dalawang tainga naman ang ginagamit upang ikaw ay makarinig.

Ginagamit ang tainga sa pakikinig ng musika.

Naririnig natin ang mga tunog ng hayop, sasakyan at mga bagay gamit ang ating tainga.

Naririnig ang sinasabi ng kausap gamit ang mga tainga.

May dalawang katangian ang mga tunog. Maari itong maging malakas o mahina.

Paglalahat

Ginagamit natin ang ating mga mata upang makakita, at ang tainga upang makarinig. Ang paningin at pandinig ay dalawa pa lamang sa limang uri ng pandama.

Paglalapat

IV. Pagtataya

V. Takdang Aralin